Сіноптыкі: 17 кастрычніка — каля +8
17.10.2020 / 09:13
17 кастрычніка ў Беларусі чакаецца воблачнае з праясненнямі надвор'е. На паўднёва-ўсходняй палове дажджы, па Гомельскай вобласці моцныя дажджы, паведамляе Белгідрамет.
Вецер паўночна-ўсходні, умераны, на паўднёвым усходзе парывісты, у асобных раёнах Гомельскай вобласці моцны, парывісты. Максімальная тэмпература паветра +5..+10°С.
У Мінску: без істотных ападкаў. Вецер паўночна-ўсходні, умераны. Раніцай тэмпература паветра +2..+4°С, днём +6..+8°С, увечары +4..+6°С.