Макрон гатовы сустрэцца з Ціханоўскай у Вільні
28.09.2020 / 15:08
Прэзідэнт Францыі Эмануэль Макрон гатовы сустрэцца са Святланай Ціханоўскай падчас свайго візіту ў Літву, калі яна папросіць аб гэтым, паведамляе «РИА Новости» са спасылкай на прадстаўніка францускага ўраду Габрыэля Аталя.
Макрон прыбывае ў Вільню сёння пасля абеду.
Раней прэзідэнт Францыі назваў падзеі ў Беларусі крызісам аўтарытарнай улады і заявіў, што Аляксандр Лукашэнка павінен сысці з пасады прэзідэнта краіны.