Na terytoryi ambasady Šviecyi siłaviki čakajuć vychadu dvuch čałaviek, što źbiralisia prasić prytułku
11.09.2020 / 14:38
Na terytoryi ambasady Šviecyi ŭ Minsku zaraz znachodzicca žychar Viciebska Uładzisłaŭ Kuźniečyk razam z baćkam Vitalom. Ich vychadu čakajuć siłaviki, piša Biełsat.
Pavodle jaho, ich sprabavali zatrymać na akcyi 6 vieraśnia ŭ Minsku, pyrsnuli ŭ vočy ślezaciečnym hazam, bili dubinkami. Syn zdoleŭ vyzvalić baćku, ale, bajučysia pieraśledu, Kuźniečyki čatyry dni chavalisia.
Siońnia jany pasprabavali patrapić u ambasadu Šviecyi ŭ Miensku, kab paprasić prytułku. Pakolki ich nie puścili, jany pieraskočyli cieraz płot na terytoryju dyppradstaŭnictva.
Zaraz, jak raspavioŭ Uładzisłaŭ Kuźniečyk, siłaviki atačyli ambasadu i čakajuć vydačy ŭciekačoŭ.