Памочнік Лукашэнкі: Супраць яго радыкальна настроеныя 20-30% насельніцтва
30.08.2020 / 22:55
Супраць Лукашэнкі радыкальна настроены 20-30% насельніцтва. Пра гэта заявіў яго памочнік Мікалай Латышонак, які выйшаў да пратэстоўцаў каля Палаца Незалежнасці.
«Гэта максімальная лічба, якую я ў сваёй галаве ўяўляю. У мяне дакладных лічбаў няма ні з аднаго, ні з другога боку. Гэта маё адчуванне», — лічыць Латышонак. Ён дадаў, што сам не прысутнічаў на выбарчых участках.
Па словах памочніка, раней праціўнікаў Лукашэнкі было менш, але «цяпер людзей падагрэлі».