Калеснікава папрасіла беларусаў стаць паручыцелямі для Бабарыкаў
27.07.2020 / 20:52
Каардынатар штаба Віктара Бабарыкі Марыя Калеснікава падчас стрыма папрасіла беларусаў стаць паручыцелямі па змене меры стрымання для Віктара і Эдуарда Бабарыкаў.
Фота Надзеі Бужан
— Мы хочам папрасіць усіх неабыякавых, усіх, хто верыць у Віктара і Эдуарда, выступіць іх паручыцелямі для змены меры стрымання. Для гэтага трэба запоўніць заяву і аднесці яе ў КДБ. Спасылка на заяву будзе ў найбліжэйшы час на сайце, — сказала Калеснікава.