Informnapalm: U 2017-m Cichanoŭski naviedvaŭ anieksavany Krym

Praŭkrainski sajt informnapalm.org skrupulozna vyvučyŭ staronki Siarhieja Cichanoŭskaha ŭ sacyjalnych sietkach. Akazałasia, što ŭ 2017 hodzie błohier naviedvaŭ Krym.

24.07.2020 / 16:26

Žurnalisty adšukali ŭ veb-archivie, što 7 sakavika 2017 hoda u stužcy Cichanoŭskaha źjaviŭsia dopis žychara Jałty Alaksandra Łucenki. Hety čałaviek paviedamiŭ, što dzień tamu da jaho pryjechali siabry, i dałučyŭ fotazdymak, na jakim jon abdymaje Alaksandra Dabrova i Siarhieja Cichanoŭskaha.

Sam Alaksandr Łucenka rodam z Dnieprapiatroŭskaj vobłaści Ukrainy, ale paśla 2014 hoda pierabraŭsia ŭ Krym.

Skrynšot dopisu Alaksandra Łucenki

Inšy čałaviek na fotazdymku — Alaksandar Dabroŭ, jon taksama ŭradženiec Dnieprapiatroŭskaj vobłaści Ukrainy. Žyŭ u Maskvie, u 2018 hodzie pierajechaŭ u Krym na pastajannaje miesca žycharstva.

U akaŭncie Alaksandra Dabrova ŭ fejsbuku vyjaŭleny čekin, zrobleny 4 sakavika 2017 hoda ŭ aeraporcie Simfieropala.

Na nastupny dzień u svaim akaŭncie ŭ fejsbuku Dabroŭ napisaŭ post, u jakim vykłaŭ svajo sełfi razam ź Cichanoŭskim u aŭtobusie. Sistema hieałakacyi paznačyła ŭ hetym dopisie siało Karač Simfieropalskaha rajona. 

Skrynšot dopisu z sełfi Alaksandra Dabrova i Siarhieja Cichanoŭskaha.