Davajcie apublikujem vyniki pa kožnym učastku? Jarmošyna: Nie, bo pratakoły nie pradastaŭlajucca ŭ CVK
23.07.2020 / 10:40
A što, kali publikavać na sajcie Centrvybarkama vyniki hałasavanańnia pa kožnym učastku? Takuju prapanovu dasłaŭ Lidzii Jarmošynaj staršynia Biełaruskaj sacyjał-demakratyčnaj partyi (Hramada) Ihar Barysaŭ.
Lidzija Jarmošyna, fota Nadziei Bužan
Jon tłumačyć, što padobnaj praktyki prytrymlivajucca ŭsie susiednija krainy — Rasija, Ukraina, Polšča, Litva, Łatvija. «Adkryćcio takich źviestak pavysić davier hramadskaści da vynikaŭ vybaraŭ, a taksama pacvierdzić status Biełarusi jak IT-krainy», — pierakanany Barysaŭ.
Staršynia Centrvybarkama Lidzija Jarmošyna ideju zusim nie acaniła. Jana zrabiła vyhlad, što pakolki staršyni ŭčastkovych kamisij zavoziać svaje pratakoły ŭ terytaryjalnuju kamisiju, to ŭ Minsku pra hetyja ličby ničoha nie viedajuć.
«U Centralnuju kamisiju nie pradstaŭlajucca pratakoły ŭčastkovych kamisij ab vynikach padliku hałasoŭ, u suviazi z čym infarmacyja pa ŭčastkach na aficyjnym sajcie nie publikujecca», — havorycca ŭ jezuickim adkazie, nie padpisanym nikim.