Улады Мінска не дазволілі штабу Бабарыкі і АГП правесці сустрэчу наконт рэферэндуму
08.07.2020 / 18:07
Улады Мінска адмовілі ў правядзенні сустрэчы наконт рэферэндуму. Заяўку на правядзенне сустрэчы падавала Аб'яднаная грамадзянская партыя, ініцыятарам быў штаб Віктара Бабарыкі, піша Tut.by.
Адказ ад Мінгарвыканкама даваў намеснік старшыні Арцём Цуран. У ім сказана, што заяўка не адпавядае арт. 9-1 Закона «Аб масавых мерапрыемствах». І не заключаны дагаворы з «Зелянбудам» і ГУУС Мінгарвыканкама.
Нагадаем, штаб Віктара Бабарыкі сумесна з Аб'яднанай грамадзянскай партыяй накіраваў заяўку на правядзенне сустрэчы наконт рэферэндуму па вяртанні Канстытуцыі 1994 года. Сустрэчу хацелі правесці ў адным з месцаў, дазволеных для правядзення масавых мерапрыемстваў.