Dva braty patanuli padčas rybałki pad Brasłavam
30.06.2020 / 08:16
Dva braty adpravilisia łavić rybu na voziera Inava ŭ Brasłaŭskim rajonie ranicaj 28 červienia. Kali ŭviečary jany pierastali vychodzić na suviaź, rodnyja zabili tryvohu, paviedamlajuć Narodnyja naviny Viciebska.
Voziera Inava znachodzicca za 13 kiłamietraŭ na paŭdniovy ŭschod ad Brasłava i maje płošču 1,27 kvadratnaha kiłamietra. Maksimalnaja hłybinia na hetym voziery — 9 mietraŭ.
Dniom 29 červienia cieły 45-hadovaha i 57-hadovaha mužčyn byli znojdzienyja i vyniatyja z vady.
Na miescy zdareńnia pracavali śledčyja, pa fakcie hibieli bratoŭ pravodzicca pravierka.