Z vadajoma ŭ Babrujskim rajonie dastali aŭtamabil ź ciełami čatyroch mužčyn. Siarod ich byli siłaviki
29.06.2020 / 18:28
29 červienia pryblizna ŭ 12 hadzin u Babrujski RAUS pastupiła paviedamleńnie ab tym, što ŭ vadajomie niedaloka ad rajcentra vyjaŭlenaja pieraviernutaja aŭtamašyna Nissan, paviedamlaje MUS.
U sałonie mašyny byli znojdzieny cieły čacviarych mužčyn (usie žychary Babrujska 52, 41, 38 i 34 hadoŭ). Siarod zahinułych — supracoŭnik addzieła milicyi Pieršamajskaha rajona Babrujska i supracoŭnik Akademii MUS. Abodva znachodzilisia nie na słužbie.
Ciapier na miescy zdareńnia pracujuć supracoŭniki milicyi, śledčyja, ekśpierty i ratavalniki. Vyśviatlajucca abstaviny zdareńnia i pryčyny śmierci paciarpiełych.