Piensijanierka spytała ŭ vice-mera Minska, ci sankcyjanavanyja takija masavyja hulańni ludziej
20.06.2020 / 15:53
Fota Nadziei Bužan
Namieśnik staršyni Minharvykankama Arciom Curan pravioŭ žyvuju telefonnuju liniju 20 červienia.
Nie zastałasia biez uvahi haradžan tema praviadzieńnia ŭ horadzie vuličnych mierapryjemstvaŭ. Z pytańniem ab tym, ci źjaŭlajucca takija akcyi sankcyjanavanymi, źviarnułasia piensijanierka z Frunzienskaha rajona.
— Mierapryjemstvy, jakija prajšli ŭ Minsku 18 i 19 červienia, źjaŭlajucca masavymi i padpadajuć pad zakon «Ab masavych mierapryjemstvach». Dla praviadzieńnia takoha rodu mierapryjemstvaŭ na terytoryi horada arhanizataram nieabchodna zahadzia źviarnucca ŭ Minharvykankam i atrymać adpaviedny dazvoł. Adnak nijakich zajaŭ na hety kont da nas nie pastupała. Heta značyć, što mierapryjemstvy źjaŭlajucca niesankcyjanavanymi. I za parušeńnie paradku praviadzieńnia masavych mierapryjemstvaŭ adkaznaść niasuć jak arhanizatary, tak i ŭdzielniki masavaha mierapryjemstva, — rastłumačyŭ čynoŭnik.