U ZŠA pamior syn Mikity Chruščova

19.06.2020 / 12:35

Siarhiej Chruščoŭ, syn pieršaha sakratara CK KPSS, pamior na 85-m hodzie žyćcia ŭ horadzie Kranstan, štat Rod-Ajłend, paviedamlaje RBK.

Da emihracyi Siarhiej Chruščoŭ zajmaŭsia mašynabudavańniem i raspracoŭkaj rakiet. U 1991 hodzie jon źjechaŭ u Štaty, kab čytać lekcyi ab chałodnaj vajnie ŭ Braŭnaŭskim univiersitecie. Jon napisaŭ šerah knih pra baćku: «Chruščoŭ pra Chruščova», «Piensijanier sajuznaha značeńnia» i inš.

U emihracyi «Chruščovy zažyli typovym amierykanskim žyćciom ź dźviuma amierykanskimi mašynami i zaharadnym ranča kala Kranstana. U domie jość centralny kandycyjanier, džakuzi i zabaŭlalny centr», — pisałasia ahienctva «Asašyejted Pres» u 1999 hodzie, kali Chruščoŭ atrymaŭ hramadzianstva ZŠA.