Z 21 červienia sa Śvietłahorska da Minska možna budzie dajechać za try hadziny na elektryčcy
18.06.2020 / 18:07
Sa Śvietłahorska ŭ pieršy rejs ciahnik № 754 Śvietłahorsk-na-Biarezinie—Minsk adpravicca 21 červienia ŭ 19:04 i prybudzie ŭ stalicu Biełarusi ŭ 21:44. Ź Minska ciahnik № 754 Minsk—Śvietłahorsk-na-Biarezinie ŭpieršyniu adpravicca 26 červienia ŭ 15:50 i prybudzie ŭ Śvietłahorsk u 18:47. Dalej hetyja ciahniki buduć kursiravać pa piatnicach, subotach i niadzielach, paviedamlaje Biełaruskaja čyhunka.
Dla arhanizacyi štodzionnaj pieravozki pasažyraŭ pa maršrucie Śvietłahorsk—Žłobin—Minsk praduhledžana kursiravańnie ciahnika № 756. Ź Minska ciahnik № 756 Minsk—Śvietłahorsk-na-Biarezinie adpravicca ŭ pieršy rejs 21 červienia ŭ 20:48 i prybudzie ŭ Śvietłahorsk u 23:47. U advarotnym kirunku ciahnik adpravicca sa Śvietłahorska 22 červienia ŭ 05:01 i prybudzie ŭ Minsk u 07:53.
Pa maršrucie ruchu ciahnikoŭ praduhledžany prypynki na stancyjach Žłobin, Babrujsk, Asipovičy-1, Puchavičy.
Hetyja ciahniki buduć absłuhoŭvacca sučasnym, kamfortnym ruchomym sastavam.
Košt prajezdu na elektraciahnikach rehijanalnych linij biźnies-kłasa EPR pa dadzienym maršrucie składaje 9 rubloŭ 4 kapiejki. Prajaznyja dakumienty (bilety) možna aformić u adzinym raździele «Pasłuhi pasažyram» na aficyjnym sajcie Biełaruskaj čyhunki (pass.rw.by), u mabilnym dadatku «BČ. Moj pojezd», a taksama ŭ čyhunačnych kasach.