Беларусь на саміце «Усходняга партнёрства» прадставіць прэм'ер Галоўчанка
18.06.2020 / 11:19
Прэм'ер-міністр Раман Галоўчанка будзе прадстаўляць Беларусь на саміце ініцыятывы ЕС «Усходняе партнёрства», які адбудзецца сёння ў рэжыме відэаканферэнцыі. Гэтую інфармацыю БЕЛТА пацвердзіла прэс-сакратар кіраўніка ўрада Аляксандра Ісаева.
Напярэдадні саміта адбылася тэлефонная размова міністра замежных спраў Уладзіміра Макея з еўрапейскім камісарам па пытаннях суседства і пашырэння ЕС Оліверам Вархейі.