U Słaŭharadskim rajonie apaviaščalnik vyratavaŭ padčas pažaru 8 čałaviek, u tym liku 5 dziaciej
15.06.2020 / 17:08
Učora kala 15:40 ratavalniki atrymali paviedamleńnie pra toje, što ŭ vioscy Chvaraściany Słaŭharadskaha rajona haryć chata.
Prybyŭšy na miesca, pažarnyja ŭbačyli pałajučuju vierandu i franton chaty. 35-hadovy haspadar znachodziŭsia na vulicy i paviedamiŭ, što ŭ chacie nikoha niama.
Na momant pažaru tam znachodzilisia jon, jaho 28-hadovaja žonka, čacviora ich dziaciej, dvoje ź jakich pryjomnyja, 13-hadovaja plamieńnica haspadara i 19-hadovy brat pryjomnych dačok. U domie było ŭstanoŭlena dva apaviaščalniki, jakija spracavali i apaviaścili siamju pra pažar.
Ahniom źniščana vieranda, paškodžanyja pierakryćci i franton. Pryčyna zdareńnia vyśviatlajecca.