Сяргея Ціханоўскага і яшчэ сем чалавек перавезлі ў Мінск на Акрэсціна
30.05.2020 / 21:30
Фота Надзеі Бужан
Пра гэта паведаміла «Вясне» Святлана Ціханоўская.
Яна расказала, што восем затрыманых увечары 29 мая ў Гродне, у тым ліку яе мужа — блогера Сяргея Ціханоўскага, перавезлі з гродненскага ізалятара ў Мінск.
Заведзена крымінальная справа па факце артыкула 364 Крымінальнага кодэкса за гвалт у дачыненні да супрацоўнікаў органаў унутраных спраў.
Цяпер затрыманыя знаходзяцца ў ізалятары часовага ўтрымання на Акрэсціна.