Жыхарам вёскі на Старадарожчыне рэкамендавана не выязджаць, ад паездак туды таксама раяць устрымацца
18.04.2020 / 19:50
У вёсцы Языль Старадарожскага раёна праводзяцца прафілактычныя мерапрыемствы «ў сувязі з ростам хворых на вострую рэспіраторную вірусную інфекцыю», піша мясцовая раёнка.
Медыкі просяць жыхароў вёскі абмежаваць колькасць кантактаў, устрымацца ад наведвання іншых населеных пунктаў, каб захаваць здароўе членаў сваіх сем'яў і іншых людзей.
Паездкі на аўтобусе ў райцэнтр рэкамендуецца перанесці на больш познія тэрміны.
Жыхарам раёна таксама варта ўстрымацца ад паездкі ў Языль, паведамляе газета.