Usio zastajecca vielmi kiepska ŭ Ispanii: 832 pamierłyja za dzień

28.03.2020 / 13:50

Vystavačny centr u Madrydzie, pieratvorany ŭ palavy špital. Fota «El Pais»

Niama dobrych navin ź Ispanii: 832 čałavieki pamierli za apošnija 24 hadziny. Učora achviar było 763.

Kolkaść špitalizavanych u krainie vyrasła da 40 tysiač, špitali ŭ rehijonach, asabliva ŭražanych pandemijaj, pierapoŭnienyja. 

Najhoršaja situacyja składvajecca ŭ Madrydzie, na jaki prypadaje bolš za pałovu ad 5 690 śmierciaŭ u krainie. Pieravažna heta ludzi starejšych hadoŭ. Kiepskaja dynamika taksama i ŭ Katałonii. 

Z ulikam taho, što nasielnictva Ispanii amal na tracinu mienšaje, čym u Italii, situacyja na Pireniejskim paŭvostravie dasiahnuła bolš vostraha stanu, čym na Apieninskim. Ispanija zapaźniłasia z uviadzieńniem karancinnych zachadaŭ, u vyniku zaraza paśpieła raspaŭsiudzicca šyroka.

SH