Затрыманы галоўны рэдактар «Ежедневніка» Сяргей Сацук
25.03.2020 / 16:16
Фота са старонкі ў фэйсбуку
У сераду ў Мінску супрацоўнікамі праваахоўных органаў затрыманы галоўны рэдактар вядомага дзелавога анлайн-выдання «Ежедневнік» Сяргей Сацук, піша Tut.by.
Калегі журналіста распавялі TUT.BY, што Сацука ў грамадскім месцы ў сераду днём людзі, якія прадставіліся супрацоўнікамі Камітэта дзяржкантролю, папрасілі прад'явіць дакументы і затым павезлі з сабой.
У Камітэце дзяржкантролю пакуль не пракаментавалі, ці ёсць справа ў дачыненні да журналіста.
Сяргей Сацук вядомы сваімі журналісцкімі расследаваннямі, самае гучнае — аб пастаўках у Беларусь незарэгістраванай вакцыны «Эўпента».