Сіноптыкі анансавалі пахаладанне на выходных. І гэта пры моцным ветры
12.03.2020 / 11:53
Роўна сем гадоў таму, 15 сакавіка 2013 года, здарыўся «Хаўер», фота Паўла Юхневіча
У пятніцу 13 сакавіка ноччу і раніцай у многіх раёнах краіны, днём месцамі кароткачасовыя ападкі (дождж, мокры снег), — паведамілі sb.by ў Гідрамеце. Вецер заходні 6-11 м/с, на большай частцы тэрыторыі да 15-20 м/с, ноччу і раніцай па поўначы 21-24 м/с, а ў асобных раёнах па Віцебскай вобласці да 25 м/с. Уначы -1 …+5, днём +5 …+11.
У выходныя пахаладае, захаваюцца ападкі і парывісты вецер.
У суботу, 14 сакавіка, у многіх раёнах краіны ападкі, у асноўным мокры снег. Галалёдзіца. Раніцай і днём на большай частцы тэрыторыі краіны парывы ветру да 15-22 м/с. Тэмпература паветра на працягу сутак -3…+4, днём па паўднёвым усходзе да 6 градусаў цяпла.
У нядзелю 15 сакавіка днём пераважна без ападкаў. На асобных участках дарог галалёдзіца. Вецер парывамі да 14 м/с, па ўсходзе месцамі да 15-18 м/с. Ноччу -4…-9, днём -1…+ 5, па захадзе да +7.