У Францыі колькасць памерлых ад каранавіруса ўзрасла да 21, 1191 чалавек захварэў
У краіне зафіксаваны 1191 выпадак заражэння
09.03.2020 / 17:18
lemonde.fr
Яшчэ двое чалавек памерлі ў Францыі ад каранавіруса за мінулыя суткі. Такім чынам агульная колькасць ахвяр захворвання ў краіне ўзрасла да 21 чалавека. Пра гэта паведамілі ў панядзелак у міністэрстве сацыяльных спраў і аховы здароўя рэспублікі.
Гаворка, у прыватнасці, ідзе пра 89-гадовага жыхара Корсікі, што памёр у бальніцы Аяча, дзе ён знаходзіўся ў рэанімацыі. У горадзе, які стаў адным з ачагоў эпідэміі на тэрыторыі Францыі, на два тыдні зачыненыя ўсе навучальныя ўстановы і дзіцячыя сады. Мерапрыемствы з больш за 50 удзельнікамі забароненыя.
Другі памерлы — жыхар рэгіёну Авернь-Рона-Альпы. Інфармацыю пра яго міністэрства аховы здароўя не прыводзіць.