Шрайбман: Наталля Эйсмант — ледзь не другі па ўплывовасці чалавек у Беларусі
09.03.2020 / 16:49
Арцём Шрайбман патлумачыў, якой бачыць палітычную ролю прэс-сакратаркі Лукашэнкі Наталлі Эйсмант. Пра гэта гаварылася ў праграме «Ток» з Настассяй Роўдай.
Наталля Эйсмант. Фота Надзеі Бужан
— Качанава і Эйсмант — гэтыя жанчыны маюць нейкі палітычны ўплыў, нейкую моц?
— Безумоўна! Паколькі ўсе важныя палітычныя рашэнні прымае асабіста Лукашэнка ці можа накласці на іх вета, калі іх прыняў іншы орган, то тыя, хто фармуе карціну дня Лукашэнкі, яго погляд на свет, — гэта, па сутнасці, ледзьве не самыя важныя шэрыя кардыналы ў краіне.
Цяпер Наталля Эйсмант, згодна з усімі магчымымі злівамі і публічнай інфармацыяй, фармуе інфапарадак дня Лукашэнкі: яна прыносіць яму тое, што пра яго пішуць, і тое, што яна не хоча прыносіць, яна, мабыць, не прыносіць. Таму мы вельмі недаацэньваем вагу гэтага чалавека.
Асабліва ўлічваючы, што Лукашэнка апошнія пару год проста спрачаецца з інтэрнэтам: у публічных выступах, на нарадах пачынае спрачацца з нейкім блогерам, тэлеграм-каналам.
Ён нават Пуціну пра гэта гаварыў. Казалі, што пару тыдняў таму ён прызнаўся, што Пуціну прыносіў раздрукоўкі таго, што пра яго пішуць у тэлеграме і расійскіх СМІ. Ён вельмі чуйны да таго, што пра яго пішуць, гэта яшчэ з 90-х не прайшло. У гэтай сітуацыі чалавек, які кантралюе тое, што трапляе да яго на стол, — гэта ледзь не другі па ўплывовасці чалавек, насамрэч.
- 0:35 — калі сутыкаўся з антысемітызмам,
- 2:54 — што падабаецца і не падабаецца ў Ізраілі,
- 5:36 — ці адчувае сябе беларускім патрыётам,
- 5:48 — пра панты на факультэце міжнародных адносін БДУ,
- 8:55 — галоўная праблема беларускай адукацыі,
- 11:26 — чаму спачатку не ўзялі на Tut.by,
- 13:25 — хто навучыў журналістыцы,
- 15:05 — самацэнзура,
- 16:57 — чаму не пісаў пра феномен Колі Лукашэнкі,
- 17:28 — чаму не закранае тэму жанчын у асяроддзі Лукашэнкі,
- 18:59 — як вербавалі ў КДБ,
- 20:30 — як рабіць палітычную аналітыку без інсайдаў,
- 23:47 — палітычная сітуацыя ў Беларусі,
- 27:59 — ці варта чакаць больш жорсткага дзяржаўнага кіравання,
- 29:22 — чаму ходзіць на выбары і за каго галасаваў у 2010-м,
- 33:04 — як ставіцца да Моладзевага блока,
- 35:21 — што можа разварушыць беларускую апазіцыю,
- 36:58 — хто самы моцны беларускі апазіцыйны палітык,
- 37:27 — хто, калі не Лукашэнка,
- 39:55 — калі і як сыдзе Лукашэнка,
- 41:39 — ці зменіцца штосьці ў палітычным плане ў бліжэйшыя пяць год,
- 42:20 — ці стане жанчына прэзідэнтам Беларусі,
- 43:28 — ці маюць Наталля Качанава і Наталля Эйсмант палітычную моц,
- 45:18 — пра першы шлюб,
- 48:13 — якія жанчыны падабаюцца,
- 49:01 — што думае пра феміністак і ці сам фемініст.