«Zmahar», «IMHOclub», «Patrioty Biełoj Rusi» — źjaviłasia interaktyŭnaja karta antybiełaruskich supołak u sacsietkach
27.02.2020 / 23:02
Inicyjatyva iSANS padrychtavała daśledavańnie antybiełaruskich supołak u sacyjalnaj sietcy «Ukantakcie». Ekśpierty daśledavali bolš za 40 publičnych staronak i hrup, u jakich raźmiaščaŭsia kantent, jaki źviazany z dyskredytacyjaj idei niezaležnaści Biełarusi, a taksama jaki vyśmiejvaje biełaruskuju movu, kulturu ci historyju.
«Jany rehularna publikujuć pasty, jakija hańbiać biełaruskuju movu, kulturu, historyju, a časam navat zajaŭlajuć, što asobnaj biełaruskaj nacyi nie isnuje, raźmiaščajuć inšy prapahandyscki kantent, skiravany suprać Ukrainy i inšych krainaŭ, ci ŭžyvajuć movu varažniečy da asobnych sacyjalnych hrupaŭ biełaruskaha nasielnictva», — tak charaktaryzujuć kryteryi vybaru hrup aŭtary daśledavańnia.
Ekśpierty pryjšli da vysnovy, što zaraz prapahandysckaja mašyna ŭ sacyjalnych sietkach chutčej testujecca, čym zapuščana na poŭnuju mahutnaść.
Siarod samych papularnych supołk — «Za silnuju i procvietajuŝuju Biełaruś», «IMHOclub Biełaruś», «Biełaruś, Rossiia, Ukraina — Ruś! Słavianie», «ZOZ | Zabavnyje Obižiennyje Zmahary», «MY PATRIOTY BIEŁOJ RUSI!», «Zmahar — Ispolzovannaja prokładka» i niekatoryja inšyja.