WADA рэкамендавала зноў адхіліць Расію ад Алімпіяды
25.11.2019 / 22:22
Сусветнае антыдопінгавае агенцтва (WADA) рэкамендавала выканаўчаму камітэту арганізацыі адхіліць Расію ад удзелу ў міжнародных спаборніцтвах за парушэнне допінгавых правіл, піша The New York Times.
Забарону прапануецца распаўсюдзіць на чатыры гады.
Калі выканкам WADA падтрымае рэкамендацыю, зборная Расіі прапусціць Летнія Алімпійскія гульні 2020 года ў Токіа.
Выканкам WADA разгледзіць рэкамендацыі 9 снежня на пасяджэнні, якое пройдзе ў Парыжы.