Пратэстоўцы заблакавалі ўсе ўваходы ў парламент Грузіі і арганізавалі кругласутачнае дзяжурства
17.11.2019 / 20:51
У нядзелю ўдзельнікі маштабнай акцыі пратэсту супраць правалу выбарчай рэформы заблакавалі ўсе тры ўваходы ў будынак парламента Грузіі, паведамляе грузінскае тэлебачанне.
Ля ўваходаў у будынак заканадаўчага органа паставілі палаткі, а на вароты, якія вядуць у двор, павесілі замкі.
Пратэстоўцы вырашылі арганізаваць 24-гадзіннае дзяжурства, каб не пусціць у парламент дэпутатаў «Грузінскай мары», адказных за правал галасавання за прапарцыйную выбарчую сістэму.