Карэнны мінчук дазваніўся да мэра Сівака і папрасіў, каб яго пахавалі на Маскоўскіх могілках
16.11.2019 / 13:54
На прамую лінію старшыні Мінгарвыканама Анатоля Сівака паступіла больш за 50 званкоў, паведамляе БелТА.
Якія пытаннямі даводзіцца займацца кіраўніку двухмільённага горада?
Напрыклад, Анатоль Сівак пагутарыў з ініцыятыўным мужчынам. Той запэўніў, што з'яўляецца карэнным мінчуком і ўсё жыццё аддаў працы і грамадскай дзейнасці ў сталіцы.
Просьба ў мужчыны простая: каб Сівак дапамог яму атрымаць месца на прэстыжных Усходніх (Маскоўскіх) могілках.
«Накіравалі да вас сацработніка, каб высветліць, якія яшчэ ёсць патрэбы. Запішам зварот і разгледзім яго», — паабяцаў Анатоль Сівак.