Vice-premjer Lašenka ab canie na haz: Miarkuju, u śniežni pytańnie budzie vyrašana
01.10.2019 / 14:08
Namieśnik premjer-ministra Biełarusi Ihar Lašenka ličyć, što pytańnie pa canie rasijskaha hazu dla Biełarusi ŭ śniežni budzie vyrašana. Pra heta jon zajaviŭ siońnia žurnalistam, pieradaje BIEŁTA.
«Pracoŭnyja hrupy ŭzajemadziejničajuć (pa pytańni cany na haz u 2020 hodzie.). Dumaju, u śniežni pry sustrečy kiraŭnikoŭ dziaržaŭ heta budzie ŭžo vyrašanaje pytańnie», - skazaŭ Ihar Lašenka.
Adkazvajučy na pytańnie, ci jość ciapier zruchi ŭ pierahavornym pracesie, vice-premjer adkazaŭ śćviardžalna. «Vy pamiatajecie niuansy, jakija byli abumoŭlenyja kiraŭnikami dziaržaŭ, što pavinna być zrazumiełaja cana na nastupny, 2020 hod, a nastupnyja napracavanyja intehracyjnyja prahramy (nahadaju, heta 31 prahrama) dazvolać ubačyć dalejšuju dynamiku cany na haz», - dadaŭ jon.
U 2019 hodzie cana na haz dla Biełarusi składaje $ 127 za 1 tys. kub.m.