Tramp nazvaŭ svaju skandalnuju razmovu ź Zialenskim «daskanałaj»
27.09.2019 / 20:34
Prezident ZŠA Donald Tramp ličyć daskanałaj telefonnuju razmovu z ukrainskim kaleham Uładzimiram Zialenskim. Pra heta jon napisaŭ u siabie ŭ Twitter.
«Kali hetu daskanałuju razmovu z prezidentam Ukrainy nie paličać prymalnaj, to ni adzin budučy prezident bolš NIKOLI nie zmoža pahavaryć ź lubym zamiežnym lidaram!» — napisaŭ Tramp.
Nahadajem, raniej hetaja skandalnaja razmova zapuściła praceduru impičmientu Trampa. Kanhres moža adpravić prezidenta ŭ adstaŭku, kali ŭdasca dakazać fakt cisku ź jaho boku na Zialenskaha. Raźviedka miarkuje, što Tramp chacieŭ dyskredytavać svajho kankurenta na najbližejšych vybarach Džo Bajdena i zapatrabavać ad ukrainskaha kalehi pravieści rasśledavańnie, jakoje tyčycca dziejnaści syna Bajdena va Ukrainie.