Легкавік заехаў у дзверы гандлёвага цэнтра ў Ганцавічах
20.09.2019 / 18:41
У Ганцавічах легкавы аўтамабіль заехаў у дзверы крамы. Ніхто не пацярпеў, паведамляе ДАІ.
Здарэнне адбылося сёння каля 13.30 на вуліцы Матросава. 31-гадовая жыхарка Баранавіч прыпаркавала аўтамабіль практычна ля ўвахода ў краму. Ужо збіраючыся ад'язджаць, жанчына завяла машыну, але яна пакацілася і ўрэзалася ў дзверы гандлёвага цэнтра.
На кіроўцу склалі адміністрацыйны пратакол.