У Мінску эвакуіруюць гандлёвы цэнтр «Галерэя»
23.08.2019 / 19:35
У гандлёвым цэнтры «Галерэя Мінск» эвакуіруюць наведвальнікаў, піша Tut.by.
Як паведамляюць чытачы, у гандлёвым цэнтры па сувязі гучаць аб'явы аб неабходнасці пакінуць будынак. Прычына эвакуацыі пакуль што не называецца.
Нагадаем, 19 жніўня з-за паведамленняў аб мініраванні ў Мінску прыйшлося эвакуіраваць каля дзвюх тысяч чалавек з гасцініц, гандлёвых і бізнэс-цэнтраў. На месца выязджалі адпаведныя службы. Усе паведамленні пра мініраванне былі лжывымі.