Пуцін заявіў пра асцярожны аптымізм пасля размоў з Зяленскім
19.08.2019 / 21:10
Прэзідэнт Расіі Уладзімір Пуцін заявіў, што размовы з прэзідэнтам Украіны Уладзімірам Зяленскім выклікаюць асцярожны аптымізм, паведамляе РИА Новости. Пра гэта Пуцін паведаміў на сустрэчы з французскім прэзідэнтам Эманюэлем Макронам у Форт Брэгансоне, куды прыбыў з афіцыйным візітам.
«Тут ёсць некаторыя рэчы, якія можна абмяркоўваць, якія выклікаюць пэўны аптымізм», — сказаў Пуцін.
У сваю чаргу Макрон заявіў, што мае намер абмеркаваць з Пуціным магчымую падрыхтоўку да саміту «нармандскай чацвёркі» з удзелам Расіі, Францыі, Германіі і Украіны. Пуцін у сваю чаргу заявіў, што альтэрнатывы «нармандскаму фармату» няма.