Стаў вядомы заробак трэнера футбольнай зборнай Беларусі — утрая большы, чым у Лукашэнкі!
Паводле інфармацыі Tribuna.com, зарплата галоўнага трэнера футбольнай зборнай Беларусі Міхаіла Мархеля складае 150 тысяч даляраў на год. Гэта $12500 штомесяц.
18.07.2019 / 15:10
Міхаіл Мархель. Фота Sb.by
Прыкладна столькі ж атрымліваў Ігар Крывушэнка, які ўзначальваў зборную да Мархеля.
Мархель заключыў кантракт са зборнай Беларусі на 3 гады. Першы матч пад яго кіраўніцтвам каманда правядзе 6 верасня супраць Эстоніі.
Для параўнання, заробак кіраўніка Беларусі Аляксандра Лукашэнкі складаў $4500. Гэта даныя з яго апошняй апублікаванай дэкларацыі.