«Hulnia tronaŭ» atrymała rekordnyja 32 naminacyi na «Emi», «Čarnobyl» — 19
17.07.2019 / 07:31
U Łos-Andželesie abvieščanyja naminanty na premiju «Emi». 71-ja cyrymonija ŭručeńnia ŭznaharod adbudziecca 22 vieraśnia.
«Hulnia tronaŭ» atrymaŭ rekordnyja 32 naminacyi, u tym liku ŭ hałoŭnaj katehoryi «Najlepšy dramatyčny sieryjał». Kita Charynhtana naminavali na najlepšuju mužčynskuju rolu, Emiliju Kłark - na najlepšuju žanočuju rolu.
«Čarnobyl» atrymaŭ 19 naminacyj, u tym liku «Najlepšy mini-sieryjał».
Papiaredni rekord pa kolkaści naminacyj na «Emi» naležaŭ sieryjału «Palicyja Ńju-Jorka». U 1994 hodzie byŭ naminavany ŭ 27 katehoryjach.