Chłopiec pryjšoŭ u hości da dziaŭčyny z narkotykam. Jaje baćki svoječasova padniali tryvohu

12.07.2019 / 22:30

Niepaŭnaletniaja minčanka ŭ adsutnaść doma baćkoŭ paklikała haściej, adzin ź jakich prynios hašyš, paviedamlaje milicyja.

U milicyju źviarnulisia baćki niepaŭnaletniaj. Jany raspaviali, što, pakul ich nie było, dačka zaprasiła dadomu niekalki čałaviek, pryčym hości, imavierna, znachodziacca pad uździejańniem narkotykaŭ. Hetuju zdahadku pravieryli: u adnaho z haściej — 26-hadovaha minčuka — znajšli kala 5 h hašyšu. Zatym užo pa miescy žycharstva maładoha čałavieka vyjavili schavanyja 62 h anałahičnaha narkotyku. Taksama ŭ kvatery znajšli elektronnyja vahi i prystasavańnie dla kureńnia.