Найменшы горад Беларусі святкуе 450-годдзе Магдэбургскага права
28.06.2019 / 16:21
Паром на Дзвіне каля Дзісны. Фота Сяргея Гудзіліна з архіву.
29 чэрвеня такі юбілей святкуе Дзісна, што ў Мёрскім раёне. Тысячу год таму яна была блокпостам палачанаў на Дзвіне, у 1569-м кароль Жыгімонт Аўгуст надаў Дзісне Магдэбургскае права, у ХІХ стагоддзі яна была сталіцай беларускай «малочкі» — дзісенскае масла ведалі нават у Вялікабрытаніі.
Цяпер у Дзісне — каля 1500 жыхароў, яна лічыцца найменшым у Беларусі горадам. І адным з самых маляўнічых.