Пры выбуху на заводзе ў расійскім Дзяржынску пацярпелі 38 чалавек
01.06.2019 / 15:39
Колькасць пацярпелых у выніку выбухаў боепрыпасаў у цэху ДзяржНДІ «Крышталь» у Дзяржынску дасягнула 38.
Раней паведамлялася пра 27 пацярпелых.
Выбухі на заводзе адбыліся днём 1 чэрвеня. У выніку пачаўся пажар, плошча ўзгарання склала 100 кв. м. Персанал эвакуявалі.
Па папярэдніх дадзеных, прычынай выбухаў стала парушэнне тэхналагічнага працэсу.