Zialenski raspavioŭ, pach čaho robić Kijeŭ žyvym

26.05.2019 / 19:38

president.gov.ua

Prezident Ukrainy Uładzimir Zialenski zajaviŭ, što pach šaurmy la staličnaha mietro «robić Kijeŭ Kijevam». Pra heta jon napisaŭ na svajoj staroncy ŭ fejsbuku

«Jość toje, što robić Kijeŭ Kijevam. Heta pach kvitniejučych lip i šaurma kala mietro», - adznačyŭ jon.

Zialenski dadaŭ, što jon pierajechaŭ u stalicu Ukrainy ŭ 2003 hodzie. Jon padkreśliŭ, što mienavita ŭ Kijevie ŭ jaho žyćci adbylisia mnohija značnyja padziei: u hetym horadzie źjaviłasia kampanija «Studyja Kvartał 95», jaho dačka pajšła ŭ pieršy kłas, a taksama naradziŭsia syn.

Ukrainski lidar zaklučyŭ, što ŭ Kijeva «nie ŭsio idealna», ale heta i robić horad žyvym, «nie dekaratyŭnym, a sapraŭdnym» i nikoha nie moža pakinuć abyjakavym.