Смяротная аварыя пад Івацэвічамі: «Форд» урэзаўся ў машыну дарожнікаў, якая касіла траву на раздзяляльнай паласе
11.05.2019 / 12:36
Смяротная аварыя адбылася днём 10 мая ў Івацэвіцкім раёне на трасе М1.
46-гадовы жыхар Кобрына ехаў на «Фордзе» ў бок сталіцы ў крайняй левай паласе.
Ён сутыкнуўся з «Мерседэсам» дарожных службаў, які ехаў насустрач, косячы траву на раздзяляльнай паласе.
У выніку аварыі кіроўца «Форда» загінуў на месцы, кіроўца «Мерседэса» шпіталізаваны ў Івацэвіцкую цэнтральную раённую бальніцу.
Заведзена крымінальная справа.