Коля Лукашэнка падарыў жыхарам дома-інтэрната козаў: Дусю і Веру ФОТА
11.01.2019 / 16:08
Вучні 5-11-х класаў Астрашыцка-Гарадоцкай сярэдняй школы, дзе вучыцца Мікалай Лукашэнка, традыцыйна павіншавалі жыхароў Мінскага дома-інтэрната для пенсіянераў і інвалідаў з навагоднімі і каляднымі святамі.
Дзеці сёння прывезлі жыхарам дома-інтэрната свае цёплыя віншаванні і смачныя падарункі: мёд з падворка кіраўніка дзяржавы, 1,5 т бульбы з прэзідэнцкага агарода, а таксама джэмы, морсы і варэнне з гаспадаркі «Александрыйская».
Таксама прывезлі дзвюх козаў: Дусю і Веру зааненскай пароды — адной з самых вядомых і паважаных парод малочнага напрамку. Жывёлы пераехалі сюды таксама з гаспадаркі кіраўніка краіны.
Таксама прайшоў канцэрт «Калядныя фантазіі»: вершы і проза, музычныя і танцавальныя кампазіцыі. Яго удзельнікам таксама стаў Мікалай Лукашэнка.