Na pažary ŭ Viciebskim rajonie zahinuli dva braty
06.01.2019 / 10:48
5 studzienia dva braty zahinuli na pažary ŭ vioscy Piastunica Viciebskaha rajona, paviedamili ŭ MNS.
Kali ratavalniki prybyli da miesca, adbyvałasia adkrytaje hareńnie dachu i ŭnutry doma. Rabotniki MNS znajšli ŭ pakoi na padłozie zahinułaha 46-hadovaha haspadara, a na łožku jaho 49-hadovaha brata.
Adnoj z asnoŭnych viersij pažaru źjaŭlajecca nieaściarožnaje abychodžańnie z ahniom pry kureńni ŭ niecviarozym stanie.
U vyniku pažaru ŭ domie źniščany dach, paškodžanyja stol, ścieny i majomaść.
Paviedamlajecca, što z pačatku hoda na pažarach u Viciebskaj vobłaści zahinuli 9 čałaviek.