Rasijskaje Minabarony na sustreču ź Biełakonievym adpraviła žančyn FOTAFAKT
12.10.2018 / 12:30
U adpaviednaści z płanam supracoŭnictva miž vajskovymi viedamstvami Biełarusi i Rasii ŭ Minsk prybyła delehacyja Ministerstva abarony Rasijskaj Fiederacyi, paviedamlaje aficyjny sajt mil.by.
Cikavy fakt — uznačalvaje delehacyju žančyna, namieśnica ministra abarony Taćciana Šaŭcova.
Ahułam ža ŭ delehacyi 4 čałavieki, ź jakich try — žančyny.
Šaŭcova mieła sustreču z kiraŭnikom Hienieralnaha štaba Aleham Biełakonievym.
Jak paviedamlaje sajt Minabarony, abmiarkoŭvalisia finansavyja i biudžetnyja pytańni, a taksama asablivaści kantrolu za haspadarčaj dziejnaściu va ŭzbrojenych siłach.
Varta dadać, što ŭ biełaruskim vojsku słužyć kala 4 tysiač žančyn, bolš za 600 ź ich — aficery.
Pieravažna jany słužać daktarami, psichołahami, pierakładčykami, jurystami i suviaznymi.
U Biełarusi nikoli nie było žančyn — namieśnikaŭ ministra abarony.