У Брытаніі дазволілі без суда адключаць хворых ад жыццезабеспячэння
30.07.2018 / 20:41
Пацыенты у вегетатыўным стане могуць быць адключаныя ад сістэм жыццезабеспячэння без рашэння суда — па ініцыятыве сваякоў і са згоды лекараў, пастанавіў Вярхоўны суд Брытаніі.
Цяпер адключыць такога хворага ад жыццезабеспячэння будзе прасцей, аднак крытыкі лічаць, што калі адключыць сістэму кармлення, хворыя будуць паміраць не ад хваробы, а ад голаду і смагі.
На працягу апошніх 25 гадоў рашэнні па падобных справах выносіў спецыяльны суд па абароне правоў юрыдычна недзеяздольных людзей, аднак гэты працэс часта займаў да некалькіх гадоў.
Рашэнне тычылася справы пацыента, які ў матэрыялах суда называецца «спадаром І». Сам пацыент памёр летась у снежні, аднак разбіральніцтва па ягонай справе працягнулася і пасля смерці менавіта для таго, каб стварыць юрыдычны прэцэдэнт.