Трамп прыгразіў прыпыніць працу ўрада ЗША

29.07.2018 / 23:37

Фота: kremlin.ru

Прэзідэнт ЗША запатрабаваў ад дэмакратаў у Кангрэсе падтрымаць прапанаваны ім законапраект аб ахове межаў, які прадугледжвае будаўніцтва сцяны на мяжы з Мексікай.

Дональд Трамп прыгразіў, што можа прыпыніць працу федэральнага ўрада, калі дэмакраты ў Кангрэсе не падтрымаюць прапанаваны ім законапраект аб ахове межаў. Пра гэта кіраўнік Белага дома напісаў у нядзелю, 29 ліпеня, у Twitter.

I would be willing to “shut down” government if the Democrats do not give us the votes for Border Security, which includes the Wall! Must get rid of Lottery, Catch & Release etc. and finally go to system of Immigration based on MERIT! We need great people coming into our Country!

— Donald J. Trump (@realDonaldTrump) 29 июля 2018 г.

«Я буду гатовы паралізаваць працу ўрада, калі дэмакраты не прагаласуюць за бяспеку межаў, якая ўключае будаўніцтва сцяны. Мы павінны адмовіцца ад розыгрышу віз, палітыкі злову і вызвалення (нелегальных мігрантаў) і, нарэшце, перайсці да сістэмы іміграцыі, заснаванай на заслугах. Трэба, каб да нас у краіну прыязджалі вялікія людзі», — адзначыў ён.

Прэзідэнт ЗША Дональд Трамп зрабіў барацьбу з нелегальнай іміграцыяй адной з галоўных тэм сваёй перадвыбарнай кампаніі і працягнуў гэтую лінію ўжо ў якасці кіраўніка Белага дома.