11-hadovaja dziaŭčynka ŭ efiry rasijskaha TB papraviła Maksima Hałkina: «Ja ź Biełarusi, a nie Biełarusii» VIDEA
01.04.2018 / 21:53
11-hadovaja cymbalistka sa Smarhoni Nastaśsia Vaniejeva stała ŭdzielnicaj rasijskaha zabaŭlalnaha šou «Lepš za ŭsich».
Jana starałasia nie reahavać na płoskija žarty viadučaha Maksima Hałkina, ale kali toj skazaŭ «Biełarusija», vypraviła jaho: «Ź Biełarusi. Pravilna kazać «ź Biełarusi».
Hałkin znoŭ vyrašyŭ pažartavać: «Dziaŭčynka sa SmOrhani». Ale Nastaśsia jaho znoŭ vypraviła: «Sa SmarhOni».
Padčas vystupu Nastaśsi na cymbałach parvałasia struna, ale jana pad apładyśmienty praciahnuła vystup.