Dyrektar sportkłuba sa Smalenska atrymaŭ 6 hadoŭ za pieravozku ŭ Biełaruś halucynahiennych hryboŭ

24.03.2018 / 11:41

Šeść hadoŭ kałonii ŭzmocnienaha režymu atrymaŭ 37-hadovy dyrektar sportkłuba sa Smalenska, za pieravozku praz polska-biełaruskuju miažu halucynahiennych hryboŭ, piša tut.by.

Mužčynu zatrymali ŭ śniežni minułaha hoda. 17 śniežnia ŭ słužbovym pamiaškańni punkta mytnaha afarmleńnia «Varšaŭski most» na biełaruska-polskaj miažy ŭ jaho z-pad dziahi dastali hryby, jakija ŭtrymlivajuć psiłacyn i psiłacybin.

21 sakavika sud pryznaŭ mužčynu vinavatym u zachoŭvańni i pieravozcy psichatropaŭ z metaj zbytu, a taksama ich niezakonnym pieramiaščeńni praź miažu.

Prysud nie ŭstupiŭ u zakonnuju siłu i moža być abskardžany.