Zasnavalnik Twitter: Praz 10 hadoŭ bitkojn stanie adzinaj suśvietnaj valutaj
Adzin z zasnavalnikaŭ sacyjalnaj sietki Twitter Džek Dorsi ŭpeŭnieny, što maksimum praz 10 hadoŭ kožny čałaviek budzie vykarystoŭvać kryptavalutu dla płaciažoŭ. Hetaje mierkavańnie jon vykazaŭ u intervju anhlijskamu vydańniu The Times.
23.03.2018 / 21:46
Dorsi skazaŭ, što kryptavaluta pa-raniejšamu źjaŭlajecca «pavolnaj i darahoj», ale hetaja prablema maje źniknuć pa miery papularyzacyi elektronnych hrošaj.
«Śviet abaviazkova pryjdzie da źjaŭleńnia adzinaj valuty, u tym liku i ŭ internecie. Asabista ja vieru, što hetaj adzinaj valutaj stanie bitkojn», — skazaŭ Dorsi.
Jon taksama adznačyŭ, što dastupnaści bitkojna spryjaje źjaŭleńnie novych błokčejn-technałohij (vidać, mielisia na ŭvazie raspracoŭščyki adkrytaha błokčejn-pratakołu Lightning Labs, u jaki Dorsi niadaŭna inviestavaŭ).
Zasnavany im płaciožny servis Square zajaviŭ ab pačatku padtrymki tranzakcyj ź bitkojnym u listapadzie 2017-ha. Pieršuju sprobu ŭkaranieńnia apieracyj z kryptavalutaj u kampanii ažyćciavili jašče ŭ 2014 hodzie, ale, na dumku Dorsi, jana akazałasia niaŭdałaj praź niapravilny techničny padychod i źjaŭleńnie ŭ śviet nie ŭ svoj čas.