Kiraŭniki centrabankaŭ G20 nie pryznali kryptavalutu valutaj
21.03.2018 / 15:44
Kiraŭniki centralnych bankaŭ i ministry finansaŭ krain G20 na sustrečy, jakaja prajšła ŭ Buenas-Ajresie, abmierkavali pytańni kryptaaktyvaŭ i syšlisia ŭ mierkavańni, što kryptavaluty nie źjaŭlajucca valutaj, pieradaje RIAN.
Na dumku finansistaŭ, kryptavaluty nie źjaŭlajucca pakul pahrozaj dla hłabalnaj finansavaj stabilnaści, choć i majuć taki patencyjał. Na dumku kiraŭnikoŭ rehulataraŭ, na siońnia vostra stajać pytańni, źviazanyja z abaronaj pravoŭ inviestaraŭ pry pracy z kryptaaktyvami, a taksama sychodam ad spłaty padatkaŭ.
Udzielniki sustrečy prapanavali ŭvieści ŭ dačynieńni da kryptaaktyvaŭ standarty FATF, jakija praduhledžvajuć baraćbu z admyvańniem złačynnych dachodaŭ i finansavańniem teraryzmu.