Sprava Skrypala: Rasija vysyłaje 23 brytanskich dypłamataŭ
Rasija vysyłaje 23 brytanskich dypłamataŭ u adkaz na anałahičnyja dziejańni Brytanii ŭ suviazi z atručvańniem byłoha aficera HRU Siarhieja Skrypala ŭ Sołśbiery. Jany pavinny pakinuć Rasiju ciaham tydnia, paviedamlaje Bi-Bi-Si.
17.03.2018 / 14:16
Akramia taho, spynić pracu hienieralnaje konsulstva Vialikabrytanii ŭ Sankt-Pieciarburhu.
«Uličvajučy dysparytet u liku konsulskich ustanoŭ dźviuch krain, adklikajecca zhoda Rasijskaj Fiederacyi na adkryćcio i funkcyjanavańnie Hienieralnaha konsulstva Vialikabrytanii ŭ Sankt-Pieciarburhu», — paviedamlaje MZS Rasii.
Rasijskaje MZS paviedamiła taksama pra spynieńnie dziejnaści ŭ Rasii Brytanskaha Savieta.
«U suviazi ź nieŭrehulavanaściu statusu Brytanskaha Savieta ŭ Rasijskaj Fiederacyi spyniajecca jaho dziejnaść», — paviedamlajecca na sajcie MZS Rasii.