Z «Krumkačoŭ» źniali jašče try bały

16.03.2018 / 13:31

Siońnia, 16 sakavika, u Domie futboła adbyłosia pasiadžeńnie kamiteta pa statusie i tranśfierach futbalistaŭ ABFF. Na im byli pryniatyja nastupnyja rašeńni.

1. Za niezabieśpiačeńnie jaŭki pradstaŭnika kłuba nakłaści na staršyniu praŭleńnia TAA «FK Krumkačy» Dzianisa Šunto štraf u pamiery 20 bazavych vieličyń (490 rubloŭ).

2. U suviazi ź sistematyčnym nievykanańniem rašeńniaŭ kamiteta źniać z TAA «FK Krumkačy» jašče try ački.

Takim čynam, z ulikam papiarednich sankcyj u «Krumkačoŭ» stała ŭ pasivie ŭžo -5 bałaŭ na starcie luboha turniru, u jakim kłub budzie ŭdzielničać.