Kijeŭskaja radyjostancyja zapłacić rekordny štraf za parušeńnie moŭnych kvot

Štraf u pamiery $12,6 tysiač naličyła Nacyjanalnaja rada pa pytańniach telebačańnia i radyjoviaščańnia Ukrainy za parušeńnie moŭnych kvot u efiry. Apłacić jaho pavinna ciapier usio radyjo «Piatnica», paviedamlaje TSN.

15.03.2018 / 22:31

Jak paviedamiŭ u Facebook siabra rady Siarhiej Kaścinski, radyjostancyju pakarali za toje, što ŭ pramiežku z 07:00 ranicy da 14:00 dnia dola piesień, vykananych na dziaržaŭnaj movie, skłała 29% zamiest prapisanych zakonam 30%. «Uvohule, štraf za parušeńnie moŭnych kvot na radyjo składaje 5% ad sumy licenzijnaha zboru. Štraf, nałičany radyjo «Piatnica», zjaŭlajecca najbujniejšym za ŭvieś čas dziejańnia kvot», — adznačyŭ jon.

Taksama, pa słovach Kaścinskaha, za minuły hod Nacyjanalnaja rada ŭžyła sankcyju «štraf» da 17 radyjostancyj. Ahulnaja suma štrafaŭ skłała bolš čym 38 tysiač dalaraŭ.